Manchester United (MU) nyaeta salah sahiji klub sepak bola panggedena tur paling dikenal di sakuliah dunya. Mimiti abdi resep kana klub ieu teh ti taun 2012, waktu nonton debut David De Gea di televisi. Ti saprak harita, kecintaan abdi ka MU beuki ngembang, utamana ku lantaran sajarah panjangna dina dunya sepak bola jeung deretan pamaen hebat nu kantos mawa klub ieu ka puncak kasuksesan.
Salah sahiji pamaen anu abdi paling resep di MU teh Cristiano Ronaldo, Eric Cantona, jeung Edwin Van Der Sar. Maranehna teh mangrupakeun pamaen-pamaen anu ngabantosan MU meunang loba gelar juara. Tapi, abdi oge ngarasa sedih, lantaran taun 2012 jadi taun terakhir MU juara Liga Inggris, nepi ka ayeuna keneh klub ieu teu acan deui bisa ngarebut gelar Liga Premier anu ka-21.
Manchester United boga stadion kebanggaan anu dipikawanoh salaku Old Trafford, anu mindeng jadi saksi tina loba momen sajarah dina dunya sepak bola. Stadion ieu boga kapasitas sakitar 74.000 penonton, sarta salah sahiji stadion panggedena di Inggris. Old Trafford sok pinuh ku para pendukung MU anu satia, anu teu kungsi leungit sumangetna dina ngadukung tim kesayanganna.
Dina sajarah panjangna, Manchester United oge boga sababaraha rival utama anu nambahkeun bumbu dina lalampahan klub ieu. Rivalitas panggedena nyaeta jeung Liverpool. Paséa antara MU jeung Liverpool teh salah sahiji anu paling legendaris di Inggris, lantaran duanana mindeng papanggih dina rebutan gelar juara Liga Inggris. Saterusna, MU oge boga rivalitas tradisional jeung Manchester City, lawan sekota anu mindeng papanggih dina Derby Manchester. Rivalitas ieu beuki panas saprak Manchester City jadi salah sahiji kakuatan gedé dina sepak bola Inggris.
Salaku salah sahiji klub tersukses di Inggris, MU geus meunang loba pisan gelar prestisius. MU kantos meunang Liga Premier 20 kali, juara Piala FA 12 kali, juara Liga Champions UEFA 3 kali, juara Liga Europa UEFA 1 kali, juara Piala Liga 5 kali, sarta juara Piala Dunia Antar Klub 1 kali. Prestasi-prestasi ieu ngajadikeun Manchester United minangka klub anu dihormat tur boga basis penggemar anu lega di sakuliah dunya.
Sanajan perjalanan MU ayeuna keur dina fase anu cukup nangtang, para pendukungna tetep miharep klub ieu bisa deui mulang ka puncak kejayaan, meunang deui loba trofi, sarta ngabalikeun masa-masa keemasan saperti jaman Sir Alex Ferguson. Sumanget jeung kasatiaan para pendukung MU mangrupakeun salah sahiji kakuatan panggedena anu bakal terus ngadukung perjalanan klub ieu dina mangsa ka hareup.
Tidak ada komentar:
Posting Komentar